回郵信封好浪費

本帖最後由 mamami2017 於 17-5-8 12:20 編輯

我覺得d學校要求所有申請人比回郵信封實在好浪費。學校好多時跟本唔會寄信比冇second in 或offer嘅人，跟住就剪返d郵票出黎掉咗d信封，所花時間應唔少于學校有需要時自己準備d信封。St Cat在注冊日賣回郵信封及郵票比冇帶嘅家長，郵票明顯係剪落黎。如果有5千幾人申請收4百個即浪費近5千個信封。維記8間每間過千人申請收1百人左右，冇offer唔會寄信即浪費8千個信封。學校有需要其實可以收多十幾二十蚊報名費，唔使白白浪費大量紙張破壞環境。就算回收都係浪費資源去重做紙。