沙田培榛一些想法

本帖最後由 mymlst 於 19-8-23 12:42 編輯


沙田培榛係區內既一間幾新的學校，上年開的學校也有留意相關資料
今年有去聽過簡介，有 join 過一些活動
學校環境係不錯，始終係新裝修，
老師整體的感覺也很好，你能感覺到她們用心教學。

但有一點就感覺比較突兀，學校既校長響簡介會上談話的方式很自吹自擂的感覺，她說她的兒子 DSE 考試很勁。
但當下我見所有家長個表情都好似諗緊，我依家聽幼兒園簡介，你講 DSE 有咩特別目的呢？
另外呢排開始返學亦都有機會響學校留低陪返學，可以近距離地觀察學校 (校長話學校仲未申請到牌照，但已經年幾，牌照咁難拿既咩？）
不過呢樣我又未覺得係一個重要既考慮因素。
亦因為呢排可以陪返學，咁見到老師教學上係好用心，今年兩位老師都係新老師，佢地都好用心，好有耐性咁教 (唔知係咪因為家長響度(emoji))
不過嗰位校長又再一次表現出勁突兀的場面，要形容呢位校長 用發左癲都真係不為過。
其實返左學兩個星期度，已經聽到佢好大聲咁駡人幾次。
其實第一次聽到既時候，只係見到駡緊人，之後第二日又見到駡人，
好似呢排每日返學都會見到佢駡人，究竟咩事會日日都可以咁大聲駡人呢(學校其實有好多家長響度)
咁樣做其實令我覺得對學校個信心開始有 D 問號,
出於好奇之下開始留意下佢其實咩事啦，原來只係一D好細微既事(話緊個接待處有份LEAFLET 唔整齊)
但係駡個程度就好似你殺左佢父母咁，絕對無作大。
作為一位打工仔(由於陪太子讀書請左半個月假)，見到咁既情況 都不為之動情，心裏面都替學校的職員，老師 覺得辛苦
幼兒園作為小朋友第一階段接觸社會，唔係好想小朋友響呢個環境下學習，其實有家長響度既時候都係咁樣
如果家長唔響度既時候係咪會仲勁D

依家都仲係每個月咁交緊錢，都認真物色緊第二間學校，始終一間學校如果頂層校長都係一個咁既熊度既人
作為老師長期響一個咁受壓既環境下又點可以教得好呢
以上係過去兩個星期陪讀既一 D 感受，有得揀 都係轉校好D 啦