adhd 升中選擇 (元朗區)

本帖最後由 fionafiona 於 16-11-21 10:55 編輯

故事有點長:

仔仔自小一發現有妥瑞症(眨眼, 發聲) 到三年級發聲情況越來越嚴重, 最衰有時會講穢語 (fxxk, shix......) 甘, 有食abilify, 一般都under control, 但如果緊張, 疲倦會差d, 由小一老師間唔中投訴, 年年同學校溝通, 到小四的班主任理解和支持, 我都好感激.....
問題就係, 仔仔一直粗心大意, 經常忘記交功課, 通告( 就算已完成在書包), 又常常因小事大發脾氣, 大吵大叫 (可持續30~60分鐘) , 同精神科醫生反映, 佢話係我管教上的問題! 到現在5年級了, 做功課往往做到10點, 有人在旁邊望住佢 (真係要望住) 就完成得快點, 沒有在的話根本做唔到. 令到家人身心俱疲!

社工知道佢情況, 今年學校安排到課後補習比佢, 但就係呢度出事, 有同學投訴仔仔用鉛筆在牆上寫下了穢語 (fxxk 同 shix) 2個字, 訓導一來就要記我仔小過, 個老師仲講到已經好仁慈了,(雖然我仔真係唔岩)但都好唔開心, 好後悔無同阿仔早點轉校, band 1 小學又如何

因為呢件事我意識到阿仔可能唔單單係妥瑞症, 好早之前已經懷疑啦, 但之前睇的私人精神科醫生同tm醫院的精神科醫生都話阿仔大脾氣, 衝動係管理問題 (現在好後悔相信呢2個人無再搵其他專家)

我真心想中學同阿仔搵一間包容的中學, 想請問有咩選擇呢?

5年級比學校記小過啦, 會有好大影響嗎?
真係覺得果位訓導老師好衰, 訓導老師好衰,訓導老師好衰 (重要的事情講3 次) 言語間佢直認因為妥瑞症對我仔印象唔好